कांग्रेस संसदीय दलको नेता चयनको लागि हरिशरण श्रेष्ठको संयोजकत्वमा निर्वाचन समिति गठन
१३ साउन, हेटौंडा । कांग्रेस बागती प्रदेश संसदीय दलको नेता चयनको लागि प्रक्रिया सुरु भएको छ । जसका लागि कांग्रेस बागमती प्रदेश कार्य सम्पादन समितिको मंगलबार बसेको बैठकले प्रदेशका सहमहामन्त्री हरिशरण श्रेष्ठको संयोजकत्वमा निर्वाचन समिति गठन गरेको छ ।
प्रदेश सभापति इन्द्रबहादुर बानियाँको सभापतित्वमा हेटौंडामा बसेको कार्यसम्पादन समितिको बैठकले सहमहामन्त्रीद्वय ऋषिराम घिमिरे र जीवन डंगोललाई रहेका सदस्यमा चयन गरेको छ ।
समितिको आजै बस्ने बैठकले निर्वाचन कार्यतालिका निर्धारण गर्नेछ । संसदीय दलको नेताको निर्वाचन भोलि बुधबार गर्ने बुझिएको छ ।
यसअघि प्रदेशका मुख्यमन्त्री समेत रहेका बहादुर सिंह लामा तामाङले संसदीय दलको नेताको हैसियत गुमाएपछि नयाँ नेता चयनको लागि प्रक्रिया सुरु भएको हो ।
मुख्यमन्त्री समेत रहेका संसदीय दलका नेता लामाविरुद्ध परेको अविश्वासको प्रस्तावको बिषयमा मंगलबार दिउँसो भएको मत व...
