Day: २०८२, १४ आश्विन मंगलवार २१:३८

१४ असोज, हेटौंडा । जल तथा मौसम विज्ञान विभागले दशैंको टिकापछि केही जिल्लामा अति भारी वर्षा हुने सम्भावना रहेको भन्दै सतर्कता अपनाउन आग्रह गरेको छ । विभागले मंगलबार विशेष मौसम बुलेटिन जारी गर्दै असोज १७ देखि १९ गतेसम्म देशका विभिन्न भागमा ठूलो पानी पर्ने सम्भावना रहेको जनाएको हो । हाल मनसुनी वायु केही कमजोर भए पनि बंगालको खाडीमा विकसित न्यून चापिय प्रणाली भारतको ओडिसाबाट जमिनतर्फ प्रवेश गरी क्रमशः मध्य भारत सरिरहेको विभागले जनाएको छ । सो प्रणालीको प्रभावसँगै नेपालमा जलवाष्पयुक्त मनसुनी वायु प्रवेश गर्ने भएकाले दशैं अवधिभर मनसुनी गतिविधि सक्रिय रहने पूर्वानुमान गरिएको छ । असोज १७ (एकादशी) मा कोशी, बागमती, गण्डकी र लुम्बिनी प्रदेशका पहाड र तराई भू–भागमा हल्कादेखि मध्यम वर्षा र केही स्थानमा भारी वर्षा हुने सम्भावना छ। असोज १८ (द्वादशी) मा कोशी, मधेश, बागमती, गण्डकी र लुम्बिनी प्रदेशका धेरै ...

१४ असोज, हेटौंडा । नवकुमारी आर्यतारा शाक्यलाई मंगलबार विशेष विधि विधानसहित कुमारीघर प्रवेश गराइएको छ। शुभसाइतमा गरिएको विधिवत् पूजापश्चात् उनलाई आसन ग्रहण गराइएको हो। नयाँ कुमारीलाई आसन ग्रहण गराइएसँगै यसअघिकी कुमारी तृष्णा शाक्यलाई औपचारिक रूपमा बिदाइ गरिएको छ। कुमारी प्रवेश समारोहमा बाजागाजासहितको शोभायात्रा निकालिएको थियो। कुमारीघर प्रवेशको औपचारिकतापछि नवकुमारी आर्यताराले तलेजु भवानीको दर्शनका लागि मन्दिर भ्रमण समेत गर्नुभएको आयोजक समितिले जनाएको छ।...

१४ असोज, हेटौंडा । राष्ट्रपति रामचन्द्र पौडेलले महाअष्टमीका अवसरमा मंगलबार राजधानीस्थित नक्साल भगवती मन्दिरमा पुगेर दर्शन गर्नुभएको छ। उहाँसँगै प्रथम महिला सविता पौडेल पनि उपस्थित हुनु भएको थियो। राष्ट्रपति पौडेलले यस वर्ष नक्साल भगवतीमा मात्र उपस्थित भई पूजाआराधना गर्नुभएको भए पनि अन्य शक्तिपीठमा भने भेटी पठाइएको राष्ट्रपतिका सचिवालयले जनाएको छ। अघिल्ला वर्षहरूमा राष्ट्रपतिले शोभा भगवती, भद्रकाली, मैतीदेवी, कालिकास्थान, संकटा, नरदेवी र इन्द्रायणीसहितका शक्तिपीठमा पुगेर दर्शन गर्ने परम्परा थियो। दसैँको अवसरमा उपत्यकाका प्रमुख शक्तिपीठको दर्शन गर्ने राष्ट्रप्रमुखको परम्परा निरन्तरता दिँदै यस पटक राष्ट्रपति पौडेलले नक्साल भगवतीमा पूजा अर्चना गर्नुभएको हो।...

१३ असोज, हेटौंडा । दुई पटकको टी–२० विश्वविजेता वेष्ट इन्डिजलाई पराजित गर्दै नेपालले ऐतिहासिक सिरिज जित्न सफल भएको छ। सोमबार भएको दोस्रो खेलमा नेपालले ९० रनको सानदार जित निकाल्दै तीन खेलको सिरिजमा अग्रता लिएको हो । टस जितेर पहिले ब्याटिङ गरेको नेपालका लागि ओपनर आसिफ शेख र सन्दीप जोराले आक्रामक ब्याटिङ गर्दै अर्धशतक प्रहार गरे। अन्त्यतिर आक्रमक पारी खेलेका दीपेन्द्रसिंह ऐरीले समेत महत्वपूर्ण योगदान दिए । बलिङतर्फ आदिल आलमले घातक स्पेल गर्दै ४ विकेट हात पारे भने कुशल भुर्तेलले ३ विकेट झारे। करण केसी, ललित राजबंशी र ऐरीले समान १/१ विकेट लिए। बलिङ, ब्याटिङ र फिल्डिङ तीनै विभागमा उत्कृष्ट प्रदर्शनसँगै नेपालले सहज जित दर्ता गर्‍यो । यसअघि पहिलो खेलमा नेपालले १९ रनले जित हात पारेको थियो। लगातार दुई खेल जितेसँगै नेपालले सिरिज नै आफ्नो पक्षमा पारेको छ। टेष्ट राष्ट्रसँग नेपालले पहिलोपटक कुनै...