लागुऔषध नाइट्राभेटसहित हेटौँडाबाट दुईजना पक्राउ
११ फागुन, हेटौँडा । मकवानपुर प्रहरीले अवैध लागुऔषध नाइट्राभेट एक हजार १८९ ट्याब्लेटसहित २ जनालाई पक्राउ गरेको छ । पक्राउ पर्नेमा भक्तपुरको चाँगुनारायण नगरपालिका– ८ बस्ने २६ वर्षका प्रेमप्रसाद दाहाल र २२ वर्षकी निकिता पुडासैनी रहेका छन् ।
प्रहरीले उनीहरूको साथबाट एक हजार १८९ ट्याब्लेट नाइट्राभेट फेला पारेको मकवानपुर प्रहरी प्रवक्ता एवं डिएसपी श्यामु अर्यालले जानकारी दिए । उनका अनुसार पूर्व–पश्चिम राजमार्गअन्तर्गत हेटौँडा– १५ रातोमाटेमा वीरगन्जबाट हेटौँडातर्फ आउँदै गरेको ना ६४ प ३१७६ नम्बरको स्कुटरको चेकजाँचको क्रममा लागुऔषध फेला परेको हो ।
शंकाको आधारमा खानतलासी गर्दा स्कुटरको डिक्कीभित्र लुकाएर ल्याएको अवस्थामा एक हजार १८९ ट्याब्लेट लागुऔषध नाइट्राभेट फेला परेको प्रवक्ता अर्यालले बताए । लागुऔषधसहित पक्राउ परेका दुवैजनालाई जिल्ला अदालत मकवानपुरबाट ७ दिनको म्याद अनुमति लिई आवश्यक अनुसन...
