Breaking News 1

२२ चैत , हेटौंडा । सरकारले सरकारी कार्यालय र शैक्षिक संस्थामा हप्तामा दुई दिन बिदा दिने निर्णय गरेको छ। आइतबार बसेको मन्त्रिपरिषद् बैठकपछि निर्णय सार्वजनिक गर्दै सरकारका प्रवक्ता तथा शिक्षामन्त्री सस्मित पोखरेलले अबदेखि शनिबार र आइतबार दुई दिन बिदा रहने जानकारी दिएका हुन्। उनका अनुसार सरकारी कार्यालयको कार्यसमय बिहान ९ बजेदेखि बेलुका ५ बजेसम्म कायम गरिएको छ। पेट्रोलियम पदार्थको आपूर्तिमा देखिएको असहजताका कारण ऊर्जा खपत घटाउने उद्देश्यले यस्तो निर्णय गरिएको मन्त्री पोखरेलले बताए। सरकारको यो निर्णय लागू भएसँगै देशभरका सरकारी कार्यालय र शैक्षिक संस्थामा सातामा दुई दिन बिदा हुने भएको छ।...

२० चैत, हेटौँडा । प्रतिनिधिसभा सभामुखको चयन प्रक्रिया आगामी आज शुक्रबार हुँदैछ । संघीय संसद् सचिवालयले प्रकाशित गरेको तालिकाअनुसार, सभामुखको लागि उमेदवारी दर्ता आज बिहान ११ बजेदेखि दिउँसो २ बजेसम्म हुनेछ । उमेदवारी दर्ता सिंहदरबारस्थित संघीय संसद् सचिवालयमा गर्न सकिने बताइएको छ । दर्ता प्रक्रिया पूरा भएपछि दिउँसो उम्मेदवारीको नामावली प्रकाशन गरिनेछ । सभामुखको निर्वाचन आइतबार (चैत २२) सम्पन्न हुने तालिकामा उल्लेख छ । प्रतिनिधिसभामा कुल १८२ सिट रहेको छ । यसैबीच, राष्ट्रिय स्वतन्त्र पार्टी (रास्वपा) ले पार्टी उपसभापति डोलप्रसाद अर्याललाई सभामुखका लागि उम्मेदवार बनाउने निर्णय गरिसकेको छ । अल्पमतमा रहेका अन्य दलहरूले भने सभामुखको उमेदवारबारे अहिलेसम्म धारणा सार्वजनिक गरेका छैनन् । संसदमा सभामुखको निर्वाचनलाई लिएर राजनीतिक दबाब र छलफल जारी छ, र निर्वाचनसम्म यस विषयमा राजनीतिक वातावरण र गठ...

२० चेत, हेटौँडा । देशमा पश्चिमी वायु र स्थानीय वायुको आंशिक प्रभाव कायम रहेको जल तथा मौसम विज्ञान विभागले जनाएको छ। यसको प्रभावका कारण गण्डकी, कर्णाली र सुदूरपश्चिम प्रदेशका हिमाली भू–भागमा साधारणतया बादल लागेको छ भने बाँकी भू–भागमा आंशिक बदली रहेको विभागले जानकारी दिएको छ। विभागका अनुसार शुक्रबार ९चैत २०० दिउँसो सबै प्रदेशका हिमाली भू–भागसहित गण्डकी, लुम्बिनी, कर्णाली र सुदूरपश्चिम प्रदेशका पहाडी भू–भागमा साधारणतया बादल लाग्नेछ। अन्य भू–भागमा भने आंशिक बदली रहने अनुमान गरिएको छ। यसैगरी गण्डकी र कर्णाली प्रदेशका हिमाली भू–भागका थोरै स्थानहरूमा तथा अन्य हिमाली र पहाडी भू–भागका एक–दुई स्थानमा मेघगर्जन तथा चट्याङसहित हल्का वर्षा वा हिमपातको सम्भावना रहेको विभागले जनाएको छ। साथै सबै प्रदेशका तराई क्षेत्रका केही स्थानहरूमा हावाहुरी चल्ने सम्भावना पनि रहेको छ। रातिको समयमा पनि गण्डकी, क...

१९ चैत, हेटौँडा । देशभर आज बिहीबारबाट माध्यमिक शिक्षा परीक्षा (एसईई) सुरु भएको छ । परीक्षा बिहान ८ बजेदेखि सुरु भएको हो । यस वर्ष मकवानपुर जिल्लाबाट ७ हजार १ सय ९२ जना विद्यार्थी एसईई परीक्षामा सहभागी हुँदैछन् । शिक्षा विकास तथा समन्वय इकाई मकवानपुरका अनुसार जिल्लाका सामुदायिक तथा संस्थागत गरी १ सय ४२ वटा विद्यालयका विद्यार्थीहरूले परीक्षा दिइरहेका छन् । तीमध्ये १ सय ५ वटा सामुदायिक र २७ वटा संस्थागत विद्यालयका विद्यार्थी सहभागी भएका हुन् । परीक्षामा नियमिततर्फ ५ हजार ५ सय २७ जना तथा ग्रेडवृद्धितर्फ १ हजार ६ सय ६५ जना विद्यार्थीले परीक्षा फाराम भरेको इकाइ प्रमुख सुदीप गिरीले जानकारी दिए । उनको अनुसार जिल्लाका १० वटा विद्यालयका विद्यार्थी प्राविधिक धारतर्फबाट एसईईमा सहभागी हुँदैछन् भने दुई वटा विद्यालयका विद्यार्थी पूर्ण रूपमा प्राविधिक धारको विषयमा मात्र परीक्षामा सामेल भएका छन् । इन...

१७ चैत, हेटौँडा । जेन–जी आन्दोलनसँग सम्बन्धित घटनाको अनुसन्धान तीव्र बनाइँदै जाँदा पूर्व प्रमुख जिल्ला अधिकारी (सीडीओ) छविलाल रिजाल लाई प्रहरीले पक्राउ गरेको छ। मंगलबार बिहान काठमाडौं उपत्यका अपराध अनुसन्धान कार्यालयको टोलीले उनलाई आफ्नै निवासबाट नियन्त्रणमा लिएको हो । जेन–जी आन्दोलन जाँचबुझ आयोगको सिफारिसका आधारमा उनीमाथि अनुसन्धान अघि बढाइएको प्रहरीले जनाएको छ। गत भदौ २३ र २४ गते काठमाडौंमा भएको जेन–जी आन्दोलनका क्रममा छविलाल रिजाल काठमाडौंका सीडीओको जिम्मेवारीमा रहेका थिए। आन्दोलनका बेला भएका गतिविधि र सम्भावित निर्णयगत भूमिकाबारे अनुसन्धान गर्न उनलाई पक्राउ गरिएको बताइएको छ। यसअघि आयोगको सिफारिसअनुसार प्रहरीले पूर्वप्रधानमन्त्री तथा एमाले अध्यक्ष केपी शर्मा ओली र पूर्वगृहमन्त्री रमेश लेखक लाई पनि गत शनिबार नियन्त्रणमा लिइसकेको छ। जेन–जी आन्दोलनका क्रममा भएको घटनाबारे सत्यतथ...

१४ चैत, हेटौँडा । नेकपा एमालेको सचिवालय बैठकले चारवटा निर्णय गरेको छ । पार्टी अध्यक्ष केपी शर्मा ओली पक्राउ परेलगत्तै शनिबार बसेको सचिवालय बैठकले ओलीलाई तत्काल रिहा गर्नुपर्ने मागसहित चारवटा निर्णय गरेको हो । एमाले नेता महेश बस्नेतका अनुसार बैठकले गरेका निर्णयहर: १. आम जनसमुदाय , नागरिक समाजको दृढताको साथ कानुनी तथा राजनीतिक रूपमा सशक्त प्रतिबाद गर्ने। २.  प्रत्येक जिल्लाको सदरमुकाममा आज अपराह्न ३ बजे जनसंगठनहरूको तर्फबाट विरोध प्रदर्शन गर्ने। ३. प्रत्येक जिल्लामा भोलि चैत्र १५ गते १२ बजे जिल्ला पार्टी कमिटीको आयोजनामा व्यापक प्रदर्शनसहित प्रमुख जिल्ला अधिकारी (CDO) कार्यालयमा विरोधपत्र बुझाउने। ४. लोकतन्त्र र कानुनी राज्यका पक्षधर सबै दलहरूसँग संबाद र सहकार्य गर्ने। नागरिक समाज र आम जनसमुदाय संग सहकार्य गर्ने।...

१४ चैत, हेटौँडा । केपी शर्मा ओली र नेपाली कांग्रेसका नेता तथा पूर्वगृहमन्त्री रमेश लेखक लाई महाराजगन्जस्थित सशस्त्र प्रहरी बलको २ नम्बर गणमा राख्ने तयारी गरिएको प्रहरीले जनाएको छ । काठमाडौँ प्रहरी परिसरका एक अधिकारीका अनुसार दुवै नेतालाई स्वास्थ्य परीक्षणपछि उक्त गणमा लैजाने तयारी भइरहेको छ । शनिबार बिहान भक्तपुरस्थित उनीहरूको छुट्टाछुट्टै निवासबाट पक्राउ गरिएका उनीहरूलाई प्रारम्भिक प्रक्रियापछि प्रहरी परिसर काठमाडौं हुँदै अस्पताल लगिएको थियो । ज्यानसम्बन्धी कसुरमा अनुसन्धान प्रहरीका अनुसार ओली र लेखकमाथि ज्यानसम्बन्धी कसुरमा अनुसन्धान अघि बढाइने भएको छ । मुलुकी फौजदारी कार्यविधि संहिता, २०७४ अनुसार यस्तो कसुरमा अनुसन्धानका लागि अदालतबाट अनुमति लिएर २५ दिनसम्म हिरासतमा राख्न सकिने व्यवस्था छ । यसका लागि दुवै जनालाई जिल्ला अदालत काठमाडौंमा आइतबार उपस्थित गराइने तयारी गरिएको छ । अद...