Day: February 24, 2025

१२ फागुन, हेटौंडा । चर्च ब्वाइज युनाइटेडले पहिलो सहभागीतामै बागमती गोल्डकपको उपाधि जितेको छ । चर्च ब्वाइजले ७ औं संस्करणको पहिलो सहमागीतामै बागमती गोल्डकपको उपाधि उचालेको हो । सोमबार बागमती–४ स्थित सहिद स्मृति रंगशालामा भएको फाइनल खेलमा साविक विजेता मछिन्द्र क्लबलाई १–० गोलले निराश बनाउँदै चर्च ब्वाइजले उपाधी उचाल्यो । चर्च ब्वाइजलाई उपाधी दिलाउने क्रममा समीर तामाङ नायक बने । उनले खेलको ४७ मिनेटमा गरेको गोल नै निर्णायक बन्यो । खेलको म्यान अफ द म्याच गोलकर्ता तामाङनै घोषित भए । उनले १० हजार रुपैयाँ प्राप्त गरे । दुबै टोलीले उत्कृष्ट प्रदर्शन गरेको खेलमा थप गोल हुन नसक्दा खेल चर्च ब्वाइजले १–० ले जितेको हो । यसअघि चर्च ब्वाइजले विभागीय टोली एपीएफ र मछिन्द्रले थ्री स्टारलाई हराउँदै फाइनलमा स्थान बनाएका थिए । चर्च ब्वाइजले उपाधिसँगै पायो १० लाख  उपाधीसँगै चर्च ब्वाइजले १० लाख रुपैयाँसहित ट...