समाचार

२०८२, २६ बैशाख शुक्रबार ०६:३७२०८२, २६ बैशाख शुक्रबार ०६:३७२०८२, २६ बैशाख शुक्रबार ०६:३७ by Hetauda liveNo Comments

लागूऔषध गाँजा र नाइट्राभेटसहित ३ जना पक्राउ

२५ बैशाख, हेटौँडा । मकवानपुर प्रहरीले लागूऔषध गाँजा र नाइट्राभेटसहित ३ जनालाई पक्राउ गरेको छ । अवैध लागूऔषध गाँजासहित मकवानपुर प्रहरीले कान्तिलोकपथ सडकखण्ड अन्तर्गत मकवानपुरगढी गाउँपालिका २ शिखरकटेरीमा सुकौरा बुढीचौर हुँदै हेटौंडा बजारतर्फ आउँदै गरेका दुईजनालाई पक्राउ गरेको हो । पक्राउ पर्नेमा ना. २६ प ३६७१ नम्बरको मोटरसाइकलबाट हेटौँडातर्फ आउँदै गरेका दोलखा भिमेश्वर नगरपालिका ८ का २५ वर्षीय विजय थापा र मकवानपुरगढी गाउँपालिका ७ का ३५ वर्षीय सुनिल बोम्जन रहेका छन् । शंकाको आधारमा उनीहरुलाई खानतलासी गर्दा लुकाएर ल्याएको अवस्थाको २ किलो ५३० ग्राम गाँजा फेला परेको जिल्ला प्रहरी कार्यालय मकवानपुरले जनाएको छ । गाँजासहित पक्राउ परेका दुवैजनालाई जिल्ला अदालत मकवानपुरबाट ७ दिनको म्याद अनुमती लिएर थप अनुसन्धान प्रक्रिया अघि बढाइएको जिल्ला प्रहरी कार्यालयका प्रवक्ता प्रहरी नायव उपरीक्षक श्यामु अर्...

२०८२, २६ बैशाख शुक्रबार ०६:३२२०८२, २६ बैशाख शुक्रबार ०६:३२२०८२, २६ बैशाख शुक्रबार ०६:३२ by Hetauda liveNo Comments

५०० दरका १८६ थान नक्कली नोटसहित हेटौँडाबाट एकजना पक्राउ

अर्थ, ताजा अपडेट, समाचार, हेटौँडा

२५ बैशाख, हेटौँडा । मकवानपुर प्रहरीले हेटौँडाबाट नेपाली रूपैयाँ ५०० दरका १८६ थान नक्कली नोटसहित एक जनालाई पक्राउ गरेको छ । पक्राउ पर्नेमा धादिङ गंगाजमुना गाउँपालिका वडा नम्बर २ घर भई हाल हेटौँडा–८ बसोबास गर्दै आएका ४२ वर्षीय रामकृष्ण अधिकारी रहेका छन् । उनलाई बिहीबार राति बिहान सवा एकबजेको समयमा पूर्व–पश्चिम लोकमार्गस्थित रातोमाटेमा पक्राउ गरिएको मकवानपुर प्रहरी प्रवक्ता डीएसपी श्यामु आर्यलले जानकारी दिए । उनका अनुसार बर्दिबासबाट हेटौँडातर्फ आउँदै गरेको बा. ३३ प ९९८३ नम्बरको मोटरसाइकल रोकी जाँच गर्ने क्रममा अधिकारीलाई उक्त परिमाणको नक्कली नोटसहित पक्राउ गरी नियन्त्रणमा लिएको थियो । प्रवक्ता अर्यालका अनुसार प्रहरी चौकी रातोमाटेमा खटिएको प्रहरी टोलीले शंका लागेपछि उनको शरीर र झोला जाँच गर्दा झोलाभित्र लुकाएर राखिएको अवस्थामा ५०० दरका नक्कली नोट १८६ थान फेला परेको हो । बरामद नोटको कुल रकम...

२०८२, २६ बैशाख शुक्रबार ०६:२९२०८२, २६ बैशाख शुक्रबार ०६:२९२०८२, २६ बैशाख शुक्रबार ०६:२९ by Hetauda liveNo Comments

सरकारी उद्योग निजीकरणको विरोधमा माओवादी केन्द्रको ध्यानाकर्षण

Breaking News 2, अर्थ, ताजा अपडेट, राजनीति, समाचार

२६ बैशाख, हेटौँडा । हेटौंडा सिमेण्ट लगायत सरकारी स्वामित्वको उद्योग निजीकरण नगर्न माग राख्दै नेकपा माओवादी केन्द्र मकवानपुरले प्रमुख जिल्ला अधिकारीमार्फत नेपाल सरकारको ध्यानाकर्षण गराएको छ । हेटौंडा सिमेन्ट उद्योग लगायतका सरकारी स्वामित्वको उद्योग निजीकरण गर्ने सरकारको निर्णय विरुद्ध विरोध प्रदर्शन समेत गरेको माओवादीले प्रमुख जिल्ला अधिकारीमार्फत सरकारको ध्यानाकर्षण समेत गराएको हो । बिहिबार हेटौंडा २ स्थित मानसचोकबाट सरकारको निर्णय विरुद्धमा माओवादी केन्द्र मकवानपुर इन्चार्ज विजय गौतमको नेतृत्वको टोलीले प्रशासन पुगेर प्रमुख जिल्ला अधिकारी स्कीम श्रेष्ठलाई ध्यानाकर्षणपत्र बुझाएको हो । नेपाल सरकार मन्त्रीपरिषद्को २०८२ वैशाख १५ गतेको बैठकले हेटौंडा सिमेन्ट उद्योग लगायत अन्य सरकारी उद्योगहरु निजीकरण गर्ने निर्णय गरेको थियो । एकातिर बन्द अवस्थामा रहेको हेटौडा कपडा उद्योग लगायत पुनः सञ्चाल...

२०८२, २४ बैशाख बुधबार २२:०९२०८२, २४ बैशाख बुधबार २२:०९२०८२, २४ बैशाख बुधबार २२:०९ by Hetauda liveNo Comments

राष्ट्रिय महिला गोल्डकपः उपाधि जित्ने दुवै विभागीय टोलीको दाबी

Breaking News 2, खेलकुद, ताजा अपडेट, समाचार, हेटौँडा

२४ बैशाख, हेटौँडा । बैशाख १९ शुक्रबारबाट हेटौँडामा जारी महिला राष्ट्रिय फुटबल प्रतियोगिताको बिहीबार फाइनल खेल हुँदैछ। फाइनलमा पुगेका दुई विभागीय टोलीहरु सशस्त्र प्रहरीको एपिएफ र नेपाल पुलिस क्लबका कप्तान र प्रशिक्षकले ट्रफी आफूहरुले जित्ने दावी गरेका छन्। बुधबार हेटौँडा–६ स्थित गौरीटार रंगशालाको फुटबल मैदानमा भएको प्रि–म्याच कन्फ्रेन्समा बोल्दै दुवै टिमका प्रशिक्षक र कप्तानले आफूहरुले उपाधि हात पार्ने दावी गरेका हुन्। पत्रकारहरुसँग कुरा गर्दै एपिएफका प्रशिक्षक जिवेश पाण्डेले उपाधी जित्ने बताए। उनले पुलिस पनि राम्रो टिम भएको बताउँदै उपाधि भने एपिएफले नै जित्ने दावी गरे। एपिएफकी कप्तान अनिता बस्नेतले भने निरन्तर खेल खेलिरहेकाले आफूहरु केहि थकानमा भएको बताइन्। तर उपाधि जित्ने सवालमा भने कम्प्रोमाइज नहुने उनको भनाइ छ। यता पुलिसका प्रशिक्षक भोला सिलवालले एपिएफ तुलनात्मक रुपमा आफूहरुभन्दा ...

२०८२, २४ बैशाख बुधबार २२:०५२०८२, २४ बैशाख बुधबार २२:०५२०८२, २४ बैशाख बुधबार २२:०५ by Hetauda liveNo Comments

भासिएको गाडी फेला परेन, भूगर्भ विभागको टोली फर्कियो

Breaking News 1, ताजा अपडेट, समाचार

२४ बैशाख, हेटौँडा । गत शुक्रबार हेटौँडा– १६ र १७ को सिमानास्थित गैरीगाउँको भित्री सडक खण्डमा जमिनमुनि भासिएको ना ४ च ४८३३ नम्बरको बलेरो गाडी ६ दिनसम्म पनि फेला नपरेपछि भूगर्भ विभागबाट अध्ययनको लागि आएको टोली प्रारम्भिक अध्ययनपछि बुधबार दिउँसो फर्किएको छ। मंगलबार बिहानबाट भूगर्भविद् नारायण अधिकारीको नेतृत्वमा रहेको टोलीले जमिनमुनि भासिएको गाडी र घटनास्थल आसपासको माटोको बनावट, भूगर्भीय अवस्था, भूमिगत जल तथा चुम्बकीय क्षेत्रको परीक्षण गरेको थियो। गाडी भासिएको स्थानमा थप जमिनको सहत विस्तारै भासिन थालेपछि टोलीले आफ्नो अध्ययन तत्कालका लागि स्थगित गरेको हो। भूगर्वविद अधिकारीले घटनास्थलबाट संकलन गरेको तथ्य र माटोको नमुनाको ल्याब परीक्षणपछि मात्र घटनास्थलमा दोस्रो चरणको अध्ययन गरिने जानकारी दिए। गाडी डुबेको स्थानमा ठुलो मात्रामा जमिन भासिएको अनुमान गरिए पनि त्यसको वास्तविक कारण र गाडीको अवस्थ...

२०८२, २४ बैशाख बुधबार १०:०१२०८२, २४ बैशाख बुधबार १०:०१२०८२, २४ बैशाख बुधबार १०:०१ by Hetauda liveNo Comments

राक्सिराङमा बोलेरो दुर्घटना हुँदा ९ जना घाइते, ६ को अवस्था गम्भीर

Breaking News 1, ताजा अपडेट, राक्सिराङ्ग, समाचार

२४ बैशाख, हेटौंडा । मकवानपुरको राक्सिराङ गाउँपालिका–९ अठारेस्थित भित्री सडकखण्डमा बोलेरो जिप दुर्घटना हुँदा ९ जना घाइते भएका छन् । दुर्घटनामा परेका मध्ये ६ जनाको अवस्था गम्भीर रहेको प्रहरीले जनाएको छ। प्रहरी प्रवक्ता डिएसपी श्यामु अर्यालका अनुसार राक्सिराङको खैराङबाट मनहरीतर्फ आउदै गरेको बा १५ च १३३३ नम्बरको बोलेरो जिप आज बिहान करिब ८स्१५ बजे अनियन्त्रित भई करिब ५० मिटर तल खसेको थियो। इलाका प्रहरी कार्यालय कान्द्राङबाट प्रहरी निरीक्षक भरत कुमार खड्काको नेतृत्वमा पुगेको प्रहरी टोलीले घाइतेहरूको उद्धार गरी मनहरी अस्पताल पठाइएको हो। बोलेरोमा चालकसहित ९ जना सवार रहेको मकवानपुर प्रहरीले जनाएको छ । प्रहरीका अनुसार राक्सिराङ ९ का १६ वर्षीय हिमाल बस्नेत, ३५ वरिपरि बुद्धिमान घलान, ७५ वर्षीय डिल ब। घलान, ६५ वर्षीय फूलमाया घलान, ३८ वर्षीय रूपबहादुर राउत र ४८ वर्षीय दीपक खड्काको अवस्था गम्भीर रहेको...

२०८२, २४ बैशाख बुधबार ०८:५२२०८२, २४ बैशाख बुधबार ०८:५२२०८२, २४ बैशाख बुधबार ०८:५२ by Hetauda liveNo Comments

रास्वपा सभापति लामिछानेको मुद्दामा कैफियत प्रतिवेदन मगाउन उच्च अदालतको आदेश

ताजा अपडेट, बागमती प्रदेश, समाचार

२३ बैशाख, हेटौंडा । राष्ट्रिय स्वतन्त्र पार्टी (रास्वपा)का सभापति रवि लामिछानेको मुद्दामा कैफियत प्रतिवेदन मगाउने आदेश भएको छ । उच्च अदालत पाटन, हेटौँडाले इजलासले सभापति लामिछाने माथिको संगठित अपराध तथा ठगी मुद्दाको सुनुवाइ गर्दै सोमबार कैफियत प्रतिवेदन मगाउने आदेश गरेको हो । सभापति लामिछानेले धरौटी बदर मागसहित दायर गरको रिट माथी सुनुवाइ गर्दै सोमबार उच्च अदालत पाटन, हेटौँडाका न्यायाधीश शान्ता सेढाइँको एकल इजलासले निवेदनमा सो आदेश गरेको हो । नेपाल सरकारलाई विपक्षी बनाएर लामिछानेले दायर गरेको उक्त रिट उपर न्यायाधीश सेढाइँले उक्त आदेश गरेकी हुन् । न्यायाधीश सेढाइँले चितवनको सहारा सहकारीको रकम हिनामिना प्रकरणमा लामिछानेसँग ५४ लाख धरौटी माग गर्ने चितवन जिल्ला अदालतको आदेशको कैफियत प्रतिवेदन मगाउने आदेश गरेकी हुन् । २०८१ माघ २४ गते चितवन जिल्ला अदालतले लामिछानेसँग ५४ लाख रुपियाँ धर...

२०८२, २४ बैशाख बुधबार ०७:४०२०८२, २४ बैशाख बुधबार ०७:४०२०८२, २४ बैशाख बुधबार ०७:४० by Hetauda liveNo Comments

बागमतीको बजेट अधिवेशन जेठ ५ गते बोलाउने तयारी

Breaking News 1, ताजा अपडेट, बागमती प्रदेश, राजनीति, समाचार

२४ बैशाख, हेटौँडा । बागमती प्रदेश सरकारले प्रदेश सभाको बजेट अधिवेशन ५ गतेका लागि आह्वान गर्न सिफारिस गर्ने निर्णय गरेको छ । प्रदेश सरकारको मंगलबार बसेको मन्त्रिपरिषद् बैठकले बर्खे (बजेट अधिवेशन) ५ गतेका लागि आह्वान गर्न प्रदेश प्रमुखसमक्ष सिफारिस गर्ने निर्णय गरेको हो । प्रदेश सरकारका प्रवक्ता एवं आन्तरिक मामिला तथा कानुनमन्त्री सुरजचन्द्र लामिछानेका अनुसार बजेट अधिवेशन ५ गते ११ बजेका लागि बोलाउने गरी प्रदेश प्रमुखसमक्ष सिफारिस गर्ने मन्त्रिपरिषद्को निर्णय भएको छ । सरकारको आगामी आर्थिक वर्ष ०८२÷८३ को नीति कार्यक्रममाथि छलफल गर्न प्रदेश सभा अधिवेशन आह्वान गर्न सिफारिस गर्ने निर्णय भएको उनले बताए । उक्त सिफारिसका आधारमा प्रदेश प्रमुख दीपकप्रसाद देवकोटाले प्रदेश सभाको बर्खे अधिवेशन आह्वान गर्नेछन् । यसै अधिवेशनमा आगामी आर्थिक वर्ष २०८२÷८३ को नीति तथा कार्यक्रम र बजेट प्रस्तुत हुनेछ । प्...

२०८२, २४ बैशाख बुधबार ०७:३८२०८२, २४ बैशाख बुधबार ०७:३८२०८२, २४ बैशाख बुधबार ०७:३८ by Hetauda liveNo Comments

राष्ट्रिय महिला गोल्डकपः दुई विभागीय टोलीबिच उपाधि भिडन्त हुने

Breaking News 2, खेलकुद, ताजा अपडेट, समाचार, हेटौँडा

२४ बेशाख, हेटौँडा । मकवानपुरमा जारी सहिद स्मृति स्थानीय तह राष्ट्रिय महिला गोल्डकप फुटबलको उपाधिका लागि दुई विभागीय टोली ९नेपाल पुलिस क्लब र सशस्त्र प्रहरीको एपिएफ० भिड्ने भएका छन्। हेटौँडा–६ स्थित गौरीटार रंगशालाको फुटबल मैदानमा मंगलबार भएको दोस्रो सेमिफाइनलमा संकटालाई हराउँदै पुलिससँगको उपाधि भिडन्त पक्का गरेको हो। एपिएफले संकटालाई अति प्रतिस्पर्धात्मक खेलमा २–० गोल अन्तरले निराश बनायो। यसअघि मंगलबार नै भएको पहिलो सेमिफाइनल खेलमा पुलिसले चितवनलाई ७–० गोलको पराकिलो अन्तरले हराउँदै फाइनलमा स्थान बनाएको थियो। एपिएफ र संकटाबिचको खेलको पहिलो हाफ गोलरहित बराबरीमा सकिएकोमा दुवै गोल दोस्रो हाफको अन्तिम अन्तिममा सम्भव भएको थियो। एपिएफको जितमा रश्मि घिसिङले खेलको ७१औँ र अनिता केसीले ७६औँ मिनेटमा गोल गरे। रश्मिले कप्तान अनिता बस्नेतको कर्नर प्रहारलाई हेडमार्फत गोल गर्दा अनिताले केसीले पनि बस्...

२०८२, २४ बैशाख बुधबार ०७:३५२०८२, २४ बैशाख बुधबार ०७:३५२०८२, २४ बैशाख बुधबार ०७:३५ by Hetauda liveNo Comments

भारतद्वारा पाकिस्तानमा हवाई आक्रमणः सात जनाको ज्यान गयो

Breaking News 1, अन्तरराष्ट्रिय, ताजा अपडेट, समाचार

२४ बैशाख, हेटौँडा । भारतीय सेनाले गएराति पाकिस्तान र जम्मू–कश्मीरमा हवाई आक्रमण गरेको छ । आक्रमणमा परेर दुई जना बालबालिकासहित ७ जनाको ज्यान गएको छ । अपरेशन सिन्दूर नाम दिएर गरेको हवाई कारबाहीमा भारतले पाकिस्तानको ९ वटा ठाउँमा रहेका आतङ्कवादी शिविरलाई लक्षित गरेको भारतीय सञ्चार माध्यमले जनाएका छन् । पाकिस्तानी सैन्य प्रतिष्ठानहरूलाई भने लक्षित नगरिएको भारतीय सेनाको भनाइ छ । गएको अप्रिल २२ मा कश्मीरको पहलगाममा भएको आतङ्कवादी आक्रमणमा एक नेपालीसहित २६ पर्यटकको ज्यान गएको थियो । यस घटनाको भारतीय राष्ट्रिय अनुसन्धान एजेन्सी ९एनआईए० ले अनुसन्धान गरिरहेको छ । यही आतङ्कवादी आक्रमणपछि भारत र पाकिस्तानबीचको सम्बन्ध थप खस्किएको छ । भारत–प्रशासित कश्मीरमा दशकौंदेखि विद्रोह भइरहँदा हजारौंले ज्यान गुमाएका छन् । कश्मीरलाई भारत र पाकिस्तान दुवैले आफ्नो भूभागको रुपमा दाबी गर्दै आएका छन् । पाकिस्ता...