मनहरी

२१ फागुन, हेटौंडा । मकवानपुरको मनहरीमा शालनाल सहितको नवजात शिशु (छोरी)को शव फेला परेको छ । मंगलबार राति मकवानपुरको मनहरी गाउँपालिका वडा नम्बर ७ स्थित डम्पिङसाईटमा शालनाल सहितको नवजात शिशु (छोरी)को शव फेला परेको मकवानपुर प्रहरीले जानकारी दिएको छ । मकवानपुर प्रहरी प्रवक्ता डिएसपी श्यामु अर्यालका अनुसार स्थानीयले शिशुको शव देखेर प्रहरीलाई खबर गरेका थिए । उनले एकदुई दिन अघिमात्रै जन्माएर फालेको हुनसक्ने जस्तो देखिएको बताए । स्थानीयको खबर पछि इलाका प्रहरी कार्यालय मनहरीबाट गएको प्रहरी टोलील घटनाको अनुसन्धान गरिरहेको प्र्रहरी प्रवक्त अर्यालले जानकारी दिए ।...

२१ फागुन, हेटौँडा । मकवानपुरको मनहरी गाउँपालिकामा भोली बुधबारदेखि खेलकुद तथा व्यापार महोत्सव सुरु हुँदैछ । मनहरी गाउँपालिका खेलकुद विकास समितिको आयोजना, एभरेष्ट इभेन्ट म्यानेजमेन्टको व्यवस्थापन तथा मनहरी गाउँपालिका कार्यालयको संरक्षकत्वमा पहिलो पटक खेलकुद तथा व्यापार महोत्सवको आयोजना हुन लागेको हो । महोत्सवको सम्पूर्ण तयारी पूरा भएको आयोजकले जानकारी दिएको छ । मनहरी गाउँपालिका ७ र ८ नम्बर वडाको खेल मैदानमा खेलकुदका प्रतियोगिता हुनेछ भने सिमपानी खेल मैदानमा महोत्सव सञ्चालन हुनेछ । चैत्र ४ गतेसम्म सञ्चालन हुने महोत्सवको सबै तयारी पूरा भएको खेलकुद विकास समिति मनहरीका अध्यक्ष विरु लामाले जानकारी दिए । खेलकुद महोत्सवमा फुटबल, भलिबल, क्रिकेट, ब्याड्मिन्टन र एथ्लेटिक्स अन्तर्गतको खेलको प्रतिस्पर्धा हुनेछ । फुटबल, क्रिकेट र एथ्लेटिक्स क्षेत्रीय रंगशाला मनहरी ७ मा हुनेछ भने भलिबल गणेशधारा खेल ...