भीमफेदी

१९ असार, हेटौँडा । मकवानपुरको इन्द्रसरोवर गाउँपालिका– २ रातमाटेस्थित भीमफेदी–कुलेखानी–काठमाडौं सडकखण्डमा विद्युतीय माइक्रो बस दुर्घटना हुँदा पाँचजना यात्रु घाइते भएका छन्। शुक्रबार दिउँसो हेटौँडाबाट काठमाडौंतर्फ जाँदै गरेको म प्र ०३–००१ ज ०५५१ नम्बरको इभी गाडी घुम्तीमा ब्रेक हान्दा टायर चिप्लिएर करिब १५ मिटर तल खसेको मकवानपुर प्रहरीले जनाएको छ। दुर्घटनामा १० जना सवारमध्ये पाँचजना घाइते भएका छन्। घाइतेमध्ये तीनजनाको अवस्था गम्भीर रहेको छ। घटनापछि प्रहरी टोली घटनास्थलमा खटिएको थियो। गम्भीर घाइतेलाई उद्धार गरी थप उपचारका लागि काठमाडौं पठाइएको र गाडीचालक पर्साको परमानीपुर गाउँपालिका– २ निवासी राजाराम साहलाई प्रहरीले नियन्त्रणमा लिएको छ। मकवानपुर प्रहरी प्रवक्ता डिएसपी श्यामु अर्यालका अनुसार पर्साको जिराभवानी गाउँपालिका– ३ का ३५ वर्षीय चन्द्र सन्जु गौर, भारतको बिहारका ३९ वर्षीय रिसाहद ...

२० जेठ, हेटौंडा । मकवानपुर जिल्लाको भीमफेदी गाउँपालिका वडा नम्बर ८ स्थित धार्की, खन्कालेकमा भएको भीषण आगलागीमा झण्डै १२ लाख रुपैयाँ बराबरको क्षति भएको छ। स्थानीय शंखरसिं मुक्तानको जस्ताको छाना भएको भुइँतले काठ, ढुङ्गा र माटोले निर्मित घर तथा त्यससँगै जोडिएको गोठमा सोमबार विद्युत् सर्ट भएर आगलागी भएको हो। आगलागीले घर पूर्णरूपमा जलेर नष्ट भएको र करिब ११ लाख ६२ हजार रुपैयाँ बराबरको क्षति भएको मुक्तानले इलाका प्रहरी कार्यालय ठिंगनलाई जानकारी दिएका छन्। प्रहरीका अनुसार मानवीय क्षति र चौपायाको क्षति नभए पनि घरभित्र रहेको नगद एक लाख ५० हजार रुपैयाँसहित मकै १२ मुरी, तोरी चार मुरी, फापर तीन मुरी, सुन दुई तोला, महत्वपूर्ण कागजातहरू तथा लत्ताकपडा जलेर नष्ट भएको छ। स्थानीय बासिन्दाहरूले आगलागी नियन्त्रणमा ल्याउन प्रयास गरे पनि पूर्ण रूपमा निभाउन नसकिएको र दमकल पुगेपछि मात्र आगो नियन्त्रणमा आएको बत...

१५ जेठ, हेटौँडा । मकवानपुरको भीमफेदी गाउँपालिका वडा नम्बर ८ स्थित बगुवा खोलाले बिहीबार दुई वटा सवारी साधन बगाएको छ । अविरल वर्षाका कारण पानीको बहाव बढेपछि एक तेल ट्यांकर र एक डब्बा ट्रक खोलाले बगाएको मकवानपुर प्रहरीले जनाएको छ । जिल्ला प्रहरी कार्यालय मकवानपुरका प्रवक्ता डिएसपी श्यामु अर्यालका अनुसार बाराको अमलेखगञ्जबाट डिजेल बोकेर काठमाडौंतर्फ जाँदै गरेको प्रदेश २–०३–००१ क २०३१ नम्बरको ट्यांर पुल नजिकैको चिप्लो र हिलो बाटोमा अनियन्त्रित भइ खोलामा खसेको हो । ट्यांकर चालक वीरगंज महानगरपालिका–२१ का २६ वर्षीय कृष्ण महतो भने गाडी खस्नुअघि नै हामफालेर ज्यान जोगाउन सफल भएका छन् । यस्तै वीरगंज भन्सारबाट सामान बोकेर काठमाडौंतर्फ जाँदै गरेको ना ३ ख ५१९६ नम्बरको डब्बा गाडी पनि खोला नजिकै पार्किङ गरेर राखिएको अवस्थामा पानीको तेज बहावले बगाएको प्रवक्ता अर्यालले जानकारी दिए । उनका अनुसार दुबै सवा...

१७ वैशाख, हेटौँडा । मकवानपुरमा छोराले हानेको गोली लागेर बाबु घाइते भएका छन् । मकवानपुर प्रहरीका अनुसार घटना जिल्लाको भीमफेदी गाउँपालिका वडा नम्बर ९ अघोरमा भएको हो । बुधबार स्थानीय ३५ वर्षीय इमान सिं थिङले आफ्नो ५९ वर्षीय बाबु कान्छाराम थिङलाई भरुवा बन्दुकबाट गोली हानेका थिए । गोली लागेका कान्छारामको अवस्था सामान्य रहेको मकावानपुर प्रहरी प्रवक्ता डिएसपी श्यामु अर्यालले जानकारी दिए । उनका अनुसार घाइते कान्छारामको बाँया खुट्टाको तिघ्रा र दाहिने हातमा छर्राले लागेर चोट लागेको छ । उनको हेटौँडा अस्पतालमा उपचार भइरहेको छ । घटनाको बारेमा जानकारी पाएपछि इलाका प्रहरी कार्यलय भीमफेदीबाट प्रहरी निरीक्षक सन्त बहादुर श्रेष्ठको नेतृत्वमा गएको प्रहरी टोलीले छोरा इमान सिंलाई लाइसेन्स नभएको एक थान एक नाले भरुवा बन्दुसहित नियन्त्रणमा लिएको थियो । प्रहरीका अनुसार कुखुरा आफ्नो आँगन तर्फ आएको भन्ने बिषयम...